Нарны идэвхжилт буурч байгаа бололтой. Энэ нь дэлхийд аюултай өөрчлөлт авчирч болзошгүй юм. Саяхан америкийн одон орон судлалын эрдэмтэд жил тутам хийдэг бага хурлын үеэр ийм мэдээллийг хийжээ. Энэ жил Нар ээлжит идэвхжлийнхээ үедээ орсон ба тэр нь 24 дэх нь аж. Харин 25 дахь идэвхжлийн үе нь 2020 онд тохиох гэнэ. Гэхдээ энэхүү идэвхжил нь нэгээс хоёр жилээр оройтож болно. Эсвэл бүр болохгүй ч байх магадлалтай гэнэ. Үүнийг наран дээрх содон үйл явдлууд харуулж байна гэж эрдэмтэд нотолж байгаа юм. Жишээ нь наран дээрээс толбо аажмаар арилж эхлээд байгаа юм. 25 дахь идэвхжлийн үе гэхэд тэрхүү толбо бүрмөсөн устах магадлалтай байгаа талаар эрдэмтэд ярьжээ. Америкийн өөр нэгэн бүлэг эрдэмтэд наран дээрх плазмын хөдөлгөөнд өөрчлөлт гарч байгааг олж илрүүлсэн байна. Энэ нь эргээд соронзон талбайд нөлөөлдөг байна. Бас нэгэн бүлэг эрдэмтэд нарны титэмд хамгийн халуун хөдөлгөөнт хэсгийг нь олж илрүүлээгүй гэнэ.Хэрэв нарны идэвхжил буурч байгаа гэх шинж үнэхээр нотлогдох юм бол эх дэлхийг маань хүйтрэл хүлээж байгаа гэдэг гарцаагүй. Хэдэн сая жилийн тэртээ мөстөлт болсон шиг зүйл болохгүй ч таагүй зүйл тохиолдоно гэдэг тодорхой. Бага хэмжээний мөстөлд 1310-1370 онуудад, 1645-1715 онуудад болж байсан гэдэг. Энэ үеэр Темза болон Сена мөрөн хөлдөж, тэр ч бүү хэл Италийн өмнөд хэсэгт цас орсон гэх тэмдэглэл байдаг гэнэ.Мэдээж хэрэг эрдэмтэд нарийн дүгнэлт гаргаж чадахгүй байгаа. Тэгээд ч тайван байдаг нар гэнэт дэлхийд хүйтрэлийг авчрана гэдэгтээ бат итгэлтэй байж чадахгүй байна.Саяхан наран дээрээс аварга плазма шидэгдсэн бөгөөд тэр нь зургадугаар сарын эхээр болж өнгөрсөн юм. Тэрхүү плазмын шидэлт хамгийн хүчирхэг нь байсан бөгөөд өөр тийш шидэгдсэндээ л дэлхий аврагдсан байна. Хэрэв манай дэлхийн зүгт шидэгдсэн бол яах байсан бол? Америкийн эрдэмтдийн анхааруулж байгаагаар бүх трансформатор шатаж, үүнээс болон хүн төрөлхтөн түнэр харанхуйд умбах байжээ. Ийм аюулыг дэлхийн олон орон хүлээн зөвшөөрсөн бөгөөд 2012 оны сүүлээр аймшигт зүйл нүрлээд байна гэдэг нь ч үнэн байх өндөр магадлалтай аж.Т.Бүрэн
