Би хаашаа явна вэ?Чи хаана явна вэ?Бид хаашаа явж байна вэ?Тэд хаашаа явна вэ? Бид хаашаа явж байна вэ? Ирээдүйд хүн төрөлхтнийг чухам юу хүлээж байна вэ? Соёл иргэншил мөхөх үү? Эсвэл шинэ хөгжил цэцэглэлтийн эрин үе эхлэх үү? Бидний амьдарч буй цаг үе цаашид ямар түвшинд хүрэхийг өгүүлсэн янз бүрийн эх үүсвэрээс гаралтай олон тооны үзэл бодлууд байдаг нь гайхалтай. Хэдийгээр тэр үзэл бодлууд заримдаа бүрэн дүүрэн найдвартай биш байдаг ч тэд бүгдийг “эргэцүүлэн бодох хэрэгтэй мэдээлэл” хэмээн хүлээн авах нь зүйтэй болов уу.Бид, хүн төрлөхтөн дэлхийнхээ хамт нараа тойрсон зуун зуун циклийн өмнөхийг бодвол одоо хүн төрөлхтний дийлэнх массын хувьд өөрсдийгөө илүү нээж олсон, бие биенээ илүүтэйгээр таньж мэдсэн. Бие биенийхээ соёл өв уламжлал, шашин шүтлэгийг хавчиж гадуурхах биш хүндэтгэн ойлгох, айж эмзэглэх биш сурч мэдэхийг эрмэлздэг болжээ. Ямартай ч үл таних зочноо хүндэтгэн “өвөрмөц байдлаар” угтсан маури омгийнхоны зан үйлийг ойлголгүй айсандаа буудаж орхидог үйл явдал гарахгүй биз. Шинэ тив газар нутаг нээж явсан европчууд маури омгийнхоны нутагт газарджээ. Байдгаараа орилж хэлээ гарган хэзээ мөдгүй алалдах гэж байгаа мэт харагдах тэднийг таньж мэдэхгүй газраа ирсэн европчууд ойлгосонгүй. Харин одоо. Бид тэднийг ойлгодог болсон, тэд ч биднийг таньж мэдсэн.. Бид өнгөрснөө зөв ухаарах нь ирээдүйгээ олж хархад ямагт тусалдаг. Учир нь ирээдүй ор хоосноос гэнэт бий болдоггүй, харин өнгөрсөн түүхийн залгамж халаа болон үргэлжилдэг. Орчин цагт улс үндэстнүүд бие биенээ боолчилж дарлах биш нэгэн цагт хамтдаа хөгжин дэвших, соёлын өв уламжлалыг нь хамгаалж үлдэх хүсэл эрмэлзэлтэй болж байна.“Би ч тэр ч эцсийн дүнд аз жаргалтай хамгийн гол нь хүний ёсоор амьдрах тэгш эрхтэй шүү дээ!”Өнөө л бидний хэлж хэвшиж буй Даяаршил гэдэг нь энэ байх ёстой болов уу. Өөрөөр хэлбэл африкт өлсгөлөнд нэрвэгдэн үхэлтэй нүүр тулж буй хүүгийн байгаа эм тариа, хүнс тэжээлийн хүрэлцээгүй эмнэлгийн хуаран - дүүрэн тоглоомтой хүүхдийн цэцэрлэг байх учиртай. Эцэст нь хойч үе минь ингээд л нараа тойроод эргээд байхгүй байх, улс орнууд бүгд хөгжлийн замдаа ижил түвшинд хүрч сансар огторгуйг эзлэн хаа хүссэн зүгтээ явах болно. Өглөө босоод Ангараг гараг руу ажилдаа явна, Сугар гараг руу явж өдөр хоолонд орно, саран дээр очиж орой дискодно гэх жишээтэй: Тэр цагт биднийг эргүү юм шиг л нарыг тойроод эргээд байж гэж хойч үе минь бодохгүй байх гэж найдаж байна. Воо воо энэ чинь шүү дээ. Магад бид ийшээ чинь л явж байгаа, 2012 онд бид сөнөж сүйрэхгүй гэдэгт итгэж байна. Хо хо хоЭссэг гүн бодролд автан мутарласан: А.Цогтгэрэл. /Эрүүл биед саруул ухаан оршмой. /
