“Ногоон арал” төсөл

Posted on 2009.04.06 by Dolugen

Оюутнуудад, тэр дундаа ШУТИС-ын оюутнуудад дуулгах таатай мэдээ байна. Сургуулийн орчин тань ногоон төгөл болох цаг удахгүй ирэх нь ээ!

МинийКлуб-аас энэ зун зохион байгуулах, хэрэгжүүлэх ажлуудын нэг нь “Ногоон төгөл” төсөл юм. ШУТИС-ын бүрэлдэхүүн сургуулийн ойр орчмын талбайг зүлэгжүүлж, моджуулах ажлыг хийх гэж байна. Ингэснээр ШУТИС-ын оюутан, багш ажилчдын байгаль орчноо гэсэн сэтгэлгээний түвшинг дээшлүүлэх, бусад сургууль, албан байгууллагад үлгэр дуурайл болох гэх мэт олон эерэг талуудтай төсөл юм.

Төслийн нарийвчилсан төлөвлөгөө, дэлгэрэнгүй мэдээлэл, хэрэгжүүлэлтийн талаар цаашид цаг тухайд нь мэдээлэх болно. Хэрвээ санхүүгийн хандив, хүн хүчний оролцоогоор туслах хувь хүн, албан байгууллага байвал miniiclub гэсэн yahoo ID-аар шууд холбогдох эсвэл dolugen@gmail.com хаяг руу захидал бичнэ үү.

Төслийн танилцуулгыг үргэлжлүүлэн уншина уу. Continue reading →

Posted in Зарлал | Tagged , , , , , | 11 Comments

“Цэцэг чимэглэл, жимс жимсгэний ургамлыг тариалах арга зүй” сэдэвт сургалт

Posted on 2009.04.05 by Dolugen

ЭБТ-ийн ээлжит сургалт 4 сарын 13-нд эхлэх гэж байна. Гэртээ, хашаандаа цэцэг, жимс тарихыг хүсдэг хүмүүсийг энэ сургалтанд суухыг урьж байна:

Сургалтанд урих тухай

MУИС-ийн Экологийн Боловсролын төв байгаль хамгаалах чиглэлээр үйл ажиллагаа явуулж буй ТББ-гын ажилтан,иргэдэд зориулж тасалгааны олон наст цэцэг, жимс жимсгэнэ , чимэглэлийн мод сөөг, тарих, арчилан ургуулах , үржүүлэх, мэдлэг, чадвар, дадал олгоно 15 –н цагийн сургалтыг 2009 оны 04-р сарын 13-аас 04-р сарын 17-ны хооронд 5 хоног явуулна. Цэцэг, жимс жимсгэний аж ахуй эрхлэдэг дадлага туршлагатай агрономч багш нар хичээлийг зааж явуулна.

Сургалтын төлбөр 15,000 төгрөг

Сургалтын төгсгөлд гэрчилгээ олгоно.

Үргэлжлүүлэн уншиж сургалтын хуваарь болон төлөвлөгөөг үзнэ үү.

Continue reading →

Posted in Зарлал | Tagged , , , , , | 18 Comments

Монголын хамгийн өвөрмөц уур амьсгалтай нутаг

Posted on 2009.03.09 by Method-Man
Нөмрөг гол

Нөмрөг гол

Монгол улс далайгаас асар хол дээр нь далайн түвшнээс дээш дунджаар 1500-аад метр өндөр өргөгдсөн байдаг учраас маш эрс тэс хуурай амьсгалтай байдаг билээ.

Зөвхөн өндөр уулс болох Алтай, Хангай, Хэнтийн уулс нь монголын зонхилох салхи болох баруун зүгийн салхиар зөөгдөн ирсэн чийгийг өөртөө татан авдаг учраас бусад нам доор говь тал хээрийн нутгаар хур тунадас ихээхэн бага байдаг.

Гэтэл барууны салхины нөлөө маш  бага нөлөөлөх Монголын хамгийн зүүн бүс нутаг болох Дорнод аймгийн Халх гол сумд тус улсад хамгийн их хур тунадастай бүс нутгийн тоонд ордог. Учир нь зуны улиралд алдарт “Муссон” салхи уг нутагт далайн чийглэг сэрүүн агаар тээж авчирдаг учраас бусад  нутагаас илүүтэйгээр ихээхэн хур бороо орж өвөрмөц байгалын дүр төрхийг бүрдүүлдэг бол өвөл маш их хэмжээний цас орж хахир хүйтэн цаг уурын нөхцөл бүрддэг.

Нэг үгээр хэлбэл Нөмрөг, Халх гол хавийн бүс нь монголд цорын ганц зундаа далайн, өвөлдөө Сибирийн уур амьсгалтай газар юм. Хянганы салбар уулс буюу Нөмрөгт ойролцоогоор жилд 400-500 мм хур тунадас унадаг учраас чийг хангамж сайтай гол мөрөн, намаг, нуур элбэгтэй бөгөөд Буйр нуурыг бүрдүүлэгч Халх гол түүний цутгал Нөмрөг, Дэгээ, Галдастай, Бүр зэрэг олон гол мөрнүүд уг нутгаас эх аван алс Номхон далайг зорьдог. Иймэрхүү олон сонин содон нөхцөл бүрдсэн учир уг нутгийг 1992 онд дархан цаазат газар болгожээ.

Posted in Газарзүй | Tagged , , , , , , , , | 13 Comments