Ингээд энэ сэдвээ өндөрлөж байна. Оролцсон бүх хүмүүстээ их байярлалаа. Болзоо бол эдийн засгийн хөшүүргийн нэг илрэл байж болох юм. Монголд, Солонгост, Хятадад, Германд, Францад, Америкт, Африк, Афганстанд залуучууд бүгдээрээ л БОЛЗДОГ. Болзоо гэхээд заавал эрэгтэй эмэгтэйчүүд болзох биш найзууд эрэтэй, эмэгтэйгээрээ болзоод чөлөөт цагаа сайхан өнгөрөөхийг хэлдэг болохыг би та нарт заах нь ёстой илүүц байхаа. Тухайн улсын залуус яаж болзож байна. Тэдний хүсэл эрмэлзэл, сонирхол, мөрөөдөл, стиль нь ямар байна гэдгээрээ нийгэм нь, эдийн засгийн хөгжил нь шууд тодорхойлогддог байхаа. Эрүүл болзоо нь Эрүүл хэрэглээ - Эрүүл орчин, Эрүүл эдийн засгийн хөгжил, эрүүл хүсэл эрмэлзэлтэй залуусыг бий болгоно гэсэн үг. Би БОЛЗОО ийм л байгаасай гэж хүсэж байна. [b:409c7d82ff]Хувцаслалт: [/b:409c7d82ff]Манай залуус өөрсдийнхаа сонирхсон стильд тохирсон, үнэтэй биш ч цэвэрхэн сайхан хувцаслаж байгаасай. Үнэтэй Брендын хувцас өмсөхөөс илүү залуусын хэрэгцээнд нийцсэн Эх орныхоо үйлдвэрлэлийн хувцасны олон жижиг үйлдвэрлэл байгаасай. Нэг хэсэг манай охидууд армиараа Хятад эзэнтэй оёдлын үйлдвэрт ажиллаж байсан. Офшор бүсийг байгуулж Филиппин, Вьетнам зэрэг улсаад шиг байгуулж яагаад бренд хувцаснуудыг оёулж болохгүй байгаам бол? Одоогийн залуус Эрээн, Бээжин явдаг үүргийн худалчааны "дарсан барааны" гоо зүйн мэдрэмжээр форум болж хувцаслаж байна. Бид маш өндөр өртөгөөр хувцаслаж байна. Болзоондоо бие биенээсээ хувцас ломбардаж явдаг ч байж болох юм. Болзоо бол гангараа биш чөлөөтэй, энгийн соёлтой хувцаслалт шүү дээ. Фашион дизайн нь залуучуудад тохироогүй ноолуураар залуус гоёх дургүй, бас үнэтэй байгаа. [b:409c7d82ff]Хаана уулазах уу:[/b:409c7d82ff] Хөдөөнөөс ирээд удаагүй хүмүүс газрын баримжаа Их дэлгүүр, Сүхийн талбайгаар баримжаалдаг бол залуус БОЛЗООГОО хаанаас эхлэх вэ? Тэдэнд саад болох зүйл багатай энгийн намуухан цэцэрлэгт хүрээлэн, ногоон байгууламжуудаа бид "газрын наймаагаар" устгалд оруулсан. Фонтан - цэцэрлэг нь 3-хан болохоор тэр нь Нарантуул зах шиг хүн бужигнасан. БОЛЗОО-нд аюулгүй, тухтай, хөл цөөн намуухан газар л хэрэгтэй байхаа. Найз нараараа БОЛЗВОЛ залуусын цагаа өнгөрөөдөг зугаа цэнгээний спортлог газар байхгүй. Театрт очвол намар нээлтээ хийсэн Намарын Синдром гарч л байж магадгүй. [b:409c7d82ff]Болзоонд юу идэж уухуу:[/b:409c7d82ff] Гоё уур амьсгалтай, дэгжин КАФЕ-д болзсон найз нар шавиагаа хантлаа ярилцвал сайхан байхдаа. Старбакс, Байскин Робинс, Бургур Кинг, МакДональд, КФС гээд залуучуудын БОЛЗОО-г амь оруулдаг "үнэ хямд, үйлчилгээ сайтай" газрууд одоогоор орж ирээгүй, цөөн тооны олигархуудад зориулсан үнэтэй дэлгүүр, үйлчилгээний газар "Сүүлчийн Могикан - Хотын ногоон байгууламжийг залгисан" Централ Таур-т цугларсан байна даа. Залуус БОЛЗООНДОО паб-д ороод Боргио уувал дэмий шүү дээ. [b:409c7d82ff]Болзоонд юу бэлэглэх вэ: [/b:409c7d82ff]Цэцэг авч очих хэрэгтэй. Хаанаас уу? Ердөө 5, 6 газар байгаа. Тэр нь гэхдээ залуучуудад биш одон шагнал авч байгаа хүмүүс тааруулж "настайчуулд зориулсан" 3, 4 боолтоор л боож өгдөг. Тэгээд бас их үнэтэй ш дээ. Бэлэг бол бүр хэцүү. Бэлэг дурсгалын дэлгүүр нь жуулчдад зориулсан том арьсан дээр морьтой морьгүй сахалтай хүн, бүдүүлэг эсгий, модон хүүхэлдэйнүүд. 2001 онд Сөүлийн их сургуулийн дизайны ангийн оюутан хичээл дээрээ нүдээ аньсан өхөөрдөм туулай хийгээд тэр нь СБС-ийн драмм дээр гарснаар хит бүтээл болж 100 сая вонн олж байсан шиг залуус залуусдаа бэлэглэх авсаархан бэлэг нь бизнес болох боломжтой. [b:409c7d82ff]Болзооны дараа:[/b:409c7d82ff] Болзоонуудын дараа залуучуудын нандин харилцаа эхлэх байхдаа. Гэхдээ тэр нь хэдэн болзооны дараа байх вэ? гэдгийг багш нь бүү хэл аав ээж нь, ээж аав нь бүү хэл сайн найз нь зөвлөж, зааж чадашгүй зүйл. Болзооны дараа л секс байдаг юм шиг кинонд гардаг бол хүмүүсийн сэтгэл ханамжийн хэмнэл шийдэх боловуу даа. ккк Гэхдээ залуус та нар хожим гарах үр дүнгийг нь бодож үзээд энэ асуудалд ул суурьтай хандаарай. Залуучууд секс хийчих цэвэрхэн, аюулгүй, хамгийн гол нь "ГОЁ" орчин байхгүйгээс БОЛЗООНЫ романтик орчин дараа нь харамсмаар төгсөж ч болох юм. Гэхдээ БОЛЗОО бүр үүгээр юмуу, үүнээс дор "шарталтын" байдлаар төгсөж болохгүй шүү дээ. Миний мөрөөдөл - Би хүүгийнхээ 16 насны төрсөн өдрөөр хайрцаг "бэлгэвч" бэлэглэнээ гэж. Энэ бэлгийг авах хүү одоогоор надад төрөөгүй байгаа ч Би Бурханаас залбирч хүсдэг дээ.[b:409c7d82ff]Болзооны мөнгөө яаж бэлтгэх үү: [/b:409c7d82ff]Та нар халамж авдаг хүмүүс шиг ээж, аав, өвөө эмээ, ахаасаа мөнгөө авна гэх юм. Дээр бичсэн гоё болзооны орчин буюу Эрүүл эдийн засаг бүрдчихвэл та нар шудрага хөдөлмөрөөрөө болзооны мөнгөө олдог болно. Өөрөөр хэлбэл чиний үе тэнгийн залуугийн болзоонд чи хоол зөөж, угаагч хийж, цагийн ажил хийж үйлчилэх бол дарааны чиний болзоонд өөр нэг залуу яг чам шиг үйлчилж өөрийнхөө болзооны мөнгөө олох юм. Үүнийг л эрүүл эдийн засагтай гоё болзоо гэнэ дээ.
