Харвард төгссөн хүн ингэж ярьж:
Хар ажил:
Хар ажил бол олон төрөл. Голдуу биeийн хүчний ажлыг "хар" гэж тодотгоод байх шиг байдаг. Хар ажил хүнд тэсвэр хатуужил суулгаж, өөрийгөө таних ухаан хайрлана. Хүнийг үнэн төрх, жинхэнэ мөн чанараар нь харах хамгийн шилдэг "байрлал" бол хар ажил. Бас хөлс их урсана, махан биe хат сууна. Би хөгжлийн бэрхшээлтэй хүний асрагч, хоньчин, үхэрчин, адуучин, их сургуульд байхдаа таксичин, хилийн чанадад таваг угаагч, байр цэвэрлэгч, пицца зөөгч гээд олон "ажил" хийж байсан. Эд бүгд хар ажил биш ч ихэнх нь эгэл бор амьдралын хөлс урсгасан өдрүүд байсан. Би дандаа дардан замаар яваагүй. Хар ажил хүнд хамгийн том сургууль болдог. Хөдөө 10 мянгаар ямаа самнуулья гэхэд мөнгий нь голоод хүн олдохгүй байна гэж нэг танил маань хэлж байна лээ. Хий дэмий зурагт эргүүлж, хэт их сошиалдаж байхаар ямар ч атугай олдсон ажлаа хийгээд дотор хүнээ хүмүүжүүл. Бусдад харагдах хэлбэр чинь "гоё" байж болно. Харин хүлээн зөвшөөхөгдөх "дотор" -ыг чинь хар ажил зүлгэж өнгө оруулна дүү минь. Ялангуяа эр хүн хар борыг туулж, хатуу ширүүнд няцашгүй байж сурах чухал. Мартсанаас сургуульд байхдаа уураг тархины "хар ажил" сайн хийх хэрэгтэй.
