МинийКлубын самбар
Ойн цоорхой => Лекц => : serdaram 2016.04.26 23:14
-
Г.А.Уэльсийг Намын Төв хорооны Ерөнхий нарийн бичгийн дарга Ю.Цэдэнбалын машинаар үйлчилж, Засгийн газрын Нүхтийн амралтанд байрлуулжээ
Америкийн Нэгдсэн Улсын Дэд Ерөнхийлөгч Г.А.Уэльс 1944 оны 7 дугаар сарын эхээр Хятад улсад айлчлаад буцах замдаа Улаанбаатарт бууж 2 хоног зочилсон нь тус улсад айлчилсан хөрөнгөтөн орны анхны дээд хэмжээний зочин юм.
Дэд Ерөнхийлөгч Г.А.Уэльсийг угтахдаа ЗХУ-д Элчин сайдаар ажиллаж байсан Ж.Самбуу гуайг хотын дарга болгож, Намын Төв хорооны Нарийн бичгийн дарга Д.Дамбыг албан ёсны үйлчлэгчээр, эрдэмтэн Б.Ринчин гуайгаар орчуулагч хийлгэсэн гэдэг. Мөн ДЯЯ-ны Хэлтсийн дарга Б.Болд, Гомбосүрэн нарыг ахлах дэслэгч цолтой цэргийн хувцас өмсгөн хамгаалагчаар томилон ажиллуулжээ. Г.А.Уэльсийг Намын Төв хорооны Ерөнхий нарийн бичгийн дарга Ю.Цэдэнбалын машинаар үйлчилж, Засгийн газрын Нүхтийн амралтанд байрлуулжээ.
Дэд Ерөнхийлөгч Гандантэгчилэн хийд, Биокомбинат, МУИС-т зочилж, тэнд 2ш микроскоп бэлэглэсэн бөгөөд, орой нь Бөмбөгөр ногоон театрт “Шарай голын гурван хаан” жүжиг үзсэн байна. Г.А.Уэльс нутаг буцахаар онгоцоор хөөрсөн боловч цаг агаарын байдлаас болж буцаж ирээд Гандан хийдээр зочилж дахин нэг хоноод явжээ.
Сүүлд Дэд Ерөнхийлөгчөөс Ерөнхийлөгч Рузвэльтэд бичсэн тайландаа: “Зөвлөлтийн нөлөө их байгаа нь эргэлзээгүй боловч улс төр, засаг захиргааны хяналт авьяаслаг монгол хүмүүсийн гарт байна. Хятадын нөлөөлөл амархан сэргэх тухай бодол бол бүтэшгүй зүйл.” гэжээ.
-
http://www.bolod.mn/modules-name-News-catid-71.html
-
http://olhunud.blogspot.com/2011/02/blog-post_2289.html